Дали сакате она во кое уживате додека го работите да ви прерасне во професија? Тоа е сосема возможно, но не е ни малку едноставно како што изгледа. Без разлика колку и да сте ентузијасти во врска со започнување на вашиот мал бизнис, мора да имате на ум неколку работи кои се неизбежни доколку сакате да успеете во светот на претприемништвото. Кога станува збор за бизнис, не смеете да се потпрете единствено на желбата. Еве 5 совети од Si Communication во врска со започнување на сопствен бизнис:

1. Биди сигурен зошто сакаш да го започнеш бизнисот

Да преземеш контрола над твојот работен живот можеби изгледа страшно, но да не правиш ништо е уште пострашно, но во никој случај немојте да започнувате бизнис единствено поради тоа што немате повеќе опции. Ако не сте заинтересирани во тоа што планирате да го работите и не му се посветите со ентузијазам, единствено што ќе добиете доколку почнете да го работите се фрустрации.

2. Направете мал бизнис план

Ставете и обработете ја вашата идеја на хартија. Напишете што сте подготвени да пружите како услуга, кои ви се целините групи, можната конкуренција, пазарот и се она што на некој начин е поврзано со вашиот бизнис. Пишувањето на бизнис план е флуиден процес и секогаш можеш да го дополниш, затоа најдобро на почеток почни со едноставен бизнис план, од само неколку страни.

3. Како да најдеш старт-ап пари?

Се додека не го пласираш својот производ и не почнеш да го продаваш, мора да внесеш капитал со кој ќе ги покриваш почетните трошоци. Ако заложувањето на сопствените заштеди не е доволно, размисли за идејата за партнерство со други луѓе кои го делат истион ентузијазам како и ти.

4. Добро смисли ја цената на твојот производ

Цените на вашите производи не треба само да ги покријат трошоците туку и да генерираат профит за вашиот бизнис. Потценувањето на вашето време и талент е голема грешка затоа смислете некоја реална цена која клиентите би ја сметале за фер, но и која би ви внела дополнителен мотив за работа.

5. Привлечете клиенти

Ништо друго не е битно доколку немате клиенти. Најголем дел од вашето време и напор мора до го фокусирате во пронаоѓање на клиенти. Изгответе маркетинг план со кој би го привлекле интересот на потенцијалните клиенти.